LA UNION-Arestado ti wanted person idiay Barangay San Jose, Caba, La Union.

Nabigbig daytoy a ni Vincent Gatchallian, 21-anyos, residente ti nasao a lugar.

Base ti impormasyon, inaresto iti nagtipon a puwersa ti Caba Philippine National Police ken ti PNP Station 7 iti siyudad ti Baguio ti suspek iti mismo a pagtaengan na kalpasan nga iserbi da ti warrant of arrest nga inyetnag ni Judge Edilberto Clarabal iti siyudad ti Baguio.

Ti suspek ket sumangsango iti kaso a qualified theft ken adda iti nairekomenda a P46,000.00 para iti temporaryo a pannakawaya-waya na.

Naiturn-over met a dagos iti nasao a suspek idiay siyudad ti Baguio tapno sangwen ti naipila a kaso kontra kenkuana.