| Injured | Killed |
|---|---|
| 0 | 1 |
Date: 31 July 2013
Source: Bombo Radyo
TACLOBAN CITY – Arestado an usa nga wanted nga pulis nga suspek ha natabo nga shooting incident ha Lapaz, Leyte dida han nakalaby nag tuig durante ha guindumara nga manhunt operation han Regional Special Operations Group (RSOG) han Police Regional Office (PRO8) han nakalabay nga tuig.
Sumala kan PRO8 director Police C/Supt. Elmer Ragadio Soria, an suspek nga hi SPOI Emmanuel Songahid, in dati nga naka-assign ha Regional Headquarters Support Group, ngan residente han Burauen, Leyte, in mayda na oportunidad nga ig-depensa an iya kalugaringon ngan pamatud-an nga waray hiya ha sala ha usa nga proper forum.
Hi Songahid in nag absent without Official Leave (AWOL ) tikang ha Enero 17 hini nga tuig, ngan naatubang hin kaso nga murder ha sala ni Judge Buenaventura Pajaron of Regional Trial Court Branch 10 ha Abuyog tungod ha guin-aaligar nga pag-pusil kan Solomon Rapada.
Nagpagawas hi Judge Pajaron hin arrest warrant alakontra ha mao nga suspek han nakalabay nga Nobyembre 21 ngan waray guinrekomenda nga piyansa para ha temporrayo nga kagawasan ni Songahid.
Dayon naman nga guindara an suspek ha Burauen police station para ha kaangayan nga disposisyon.