TIGOK ang isang tindero na hinihinalang sangkot sa iligal na droga makaraang saksakin ng hindi pa kilalang lalaki sa bahay una sa Tonsuya, Malabon City, Myerkules ng umaga.

Dead on the spot si Wilmar Villadores y Leyte, 47, tindero ng binatog at residente Blk 2 Paradize Village Tonsuya, ng lungsod dahil sa tinamong dalawang malalim na saksak sa likuran. Nagtamo rin ang biktima ng saksak sa kamay.

Ayon sa ulat, dakong alas-7:00 ng umaga nang maganap ang pananaksak kay Villadores.

Bago ito ay nagkaroon nang mainitang pagtatalo si Villadores at suspek hanggang sa matagpuan na nakasubsob at wala nang buhay ang biktima.

Ayon sa awtoridad sangkot sa illegal drugs ang biktima at ginagawa pang drug den ang bahay nito.

Patuloy ang imbestigasyon ng pulisya at inaalam kung may kaugnayan sa droga ang tunay na motibo sa krimen.