Injured	Killed
0	0

Date: 31 August 2013
Source: Bombo Radyo

ROXAS CITY – Ginbulabog sang bomb scare ang isa ka pampubliko nga unibersidad sa syudad sang kag probinsiya sang Capiz samtang yara sa kainitan sang pagkuha sang midterm examination ang mga estudyante.

 

Suno kay Dr. Editha Alfon, ang campus administrator sang Capiz State University (CAPSU) main campus, isa ka text message ang nabaton sang isa ka estudyante nga gilayon ginpahibalo sa security guard kag mga manunudlo nga nagpangayo sang bulig sa mga pulis.

 

Sa kagustuhan sang pamunuan sang eskwelahan nga indi magpanic ang mga bumulutho sila mismo ang nagpanguna sa pagpangita sa ginasiling walo ka bomba nga gintanum sa sulod sang buluthuan.

 

Ginpasiguro man ni Alfon nga yara sa red alert status karon ang mga security guard sang CAPSU, kag tanan nga nagasulod paguwa sa eskwelahan ang nagapaidalum sa inspeksyon.

 

Gin-ako sang opisyal nga ginhimo nila ang tanan nga pamaagi agud indi maglapta ang bomb scare para indi magpanic ang mga estudyante nga karon nagakuha sang midterm examination.