Injured	Killed
0	1

Date: 13 February 2013
Source: Monday, 11 February 2013 12:03 bombo radyo

BUTUAN CITY – Gipusil-patay sa wala mailang mga gunmen ang usa ka Filipino-Chinese national nga freelancer wood marketing agent sa Wood Station Corporation nga nakabasi sa Purok 5, Brgy. San Ignacio, lungsod sa Trento, Agusan del Sur sayo sa kaadlawon.

Gi-ila sa mga otoridad ang biktima nga si Roy Sze, 42-anyos, naminyo og Pinay og residente sa Tagum City.

Sa imbestigasyon sa Trento Municipal Police Station padulong si Sze sa iyang naka-parking nga sakyanan kilid sa dalan dihang gipa-arakan sa duha ka mga gunmen sa pipila ka higayon.

Narekober sa SOCO-Agusan Sur sa crime scene ang 12 ka basiyo sa caliber 9-mm nga pistola, 13 ka basiyo sa caliber .45 nga pistola, 2 deformed bullets sa wala masutang kalibre sa armas ug 2 ka deformed bullets sa caliber 9mm pistol.

Sumala sa report, nagtrabaho kaniadto ang biktima sa wood manufacturing company nga nakabasi sa Compostella Valley og gisuta pa sa pinaagi sa gimugnang Special Investigation Task Group “Sze” og mga sakop sa Agusan del Sur Police Provincial Office alang sa daling kasulbaran sa maong kaso.