Injured	Killed
0	1

Date: 01 June 2013
Source: Bombo Radyo

CAGAYAN DE ORO CITY-Nasignit sa kapolisan ang usa ka barangay kapitan human namusil sa city tribal chieftain s Brgy Pigsag-an dinhi sa dakbayan sa Cagayan de Oro.

 

Kini tungod sa hugot pagsupak sa biktimang si Fausto Orasan kon Datu Sandigan sa dugay nang illegal mining operations sa suspek nga si Pigsag-an Brgy Kap.Salvador Mesca.

 

Sa paghinabi sa Bombo Radyo Cagayan de Oro,gibutyag ni Sr Insp Erickson Sabanal nga maoy hepe sa Lumbia Police Station nga subay sa gisugilon ni Orasan nga nagsugod ang kasuko ni Mesca tungod sa pagkabawi sa iyang tulo ka backhoe units atol sa joint operations sa PNP,Mines and Geosciences Bureau (MGB) ug DENR 10.

 

Migamit matud pa si Mesca sa garrand rifle sa pagpusil kang Orasan diin nahiagom sa mga igo sa iyang kalawasan.

 

Gibulgar usab ni Orasan nga protektado ang grupo ni Mesca sa pipila ka tag-as nga opisyal sa syudad.

 

Una usab niini,giakusahan ni Orasan sila Brgy Kag. Alvin Jabla,Kag Rodolfo Mesca Jr at Kag.Sonny Lundahan isip financiers ni Mesca sa mining operations.

 

Apan gipamugos ni Mesca nga ang tanang pasangil ni Orasan ang pulos walay kamatuoran.

 

Siya miingon nga wala siya’y bisan unsang atraso sa illegal mining operations sukwahi sa pasangil ni Orasan.

 

Si Mesca ang gitakdang kasuhan sa kapolisan sa kasong frustrated murder at pagsupak sa Comelec gun ban sa sunod nga semana tungod sa gihimo niining kremin.