Injured	Killed
0	1

Date: 04 May 2013
Source: Bombo Radyo

BUTUAN CITY – Patay ang usa ka tribal chieftain sa probinsya sa Surigao del Sur human kini gipusil sa 3 ka wala pa nailhing supetsado samtang sakay kini sa iyang motor.

Naila ang biktima nga si Datu Manuel Gardigo alyas Datu Kajugjug, 63-anyos, minyo, og residente sa Barangay Agsam, Lanuza, Surigao del Sur.

Sa pakighinabi sa Bombo Radyo Butuan kang S/Insp. Noel Maranho, chief of police sa Lanuza PNP, gibutyag sa opisyal nga nahitabo ang insidente alas-2:50 ang takna sa kadlawon karong adlawa, Mayo 2, samtang pauli ang biktima sa panimalay niini gikan sa pagtambong sa usa ka vigil.

Kalibre 45 matod pa ang gamit sa pagpatay sa biktima og lima ka gun shot wounds sa atubangang parte sa lawas niini ang hinungdan sa iyang kamatayon.

Si Datu Manuel ang Chairperson sa indigenous people’s organization nga KALASAG og sumala sa inisyal nga report sa kapulisan, posibleng adunay kalabotan sa conflict of boundary ang insidente. Sa kasamtangan, gipakisayran na sa kapulisan ang mga detalye sa krimen, ilabina ang konkretong motibo sa pagpatay niini.