Injured	Killed
0	1

Date: 24 January 2013
Source: http://bomboradyo.com/news/regional-news/cebuano-news/149941-tribal-chieftain-sa-n-cotabato-giihaw-sa-mga-npa

NORTH COTABATO – Patay ang usa ka tribal Chieftain human siya gipusil sa mga armadong kalalakin-an alas 10:20 sa buntag niatong Miyerkules.

Giila ang biktima nga mao si Datu Samante Ansabo Pasayao, tribal Chieftain sa Barangay Mahongkog, Magpet.

Nasayran gikan sa spot report gikan sa North Cotabato PNP Provincial Office nga samtang naglakaw ang biktima gikan sa iyang uma pauli sa iyang bay sa diha nga giatngan siya sa wala mailhing mga tawo og gipusil gamit ang kalibre. 45 nga pistola.

Patay gilayon si Pasayao nga naka-angkon og samad pinusilan sa iyang likod, ulo ug tiyan nga parte sa lawas.

Abtik sab nga misibat ang mga suspetsado pasaka sa tiilan sa Mount Apo sa diha nga nakatimaho sila nga nagsingabot ang pwersa sa militar ug Cafgu.

Daghan ang nagtuo nga mga miyembro sa New People’s Army (NPA) ang mipatay sa biktima nga giila sa maong dapit nga nagsuporta sa militar batok sa mga rebelde.

Sa kasamtangan padayon nga nag-imbestiga ang kapulisan sa kamatayon sa tribal chieftain samtang gilutos na sab sa militar ang mga NPA. (Bombo Garry Fuerzas)