Injured	Killed
0	1

Date: 14 January 2013
Source: http://bomboradyo.com/news/regional-news/cebuano-news/148496-tomboy-sa-butuan-city-gipusil-patay-sa-gidudahang-kabanay-sa-barkadang-babayeng-muslim

BUTUAN CITY – Patay ang usa ka tomboy human gipusil kagabii diha sa likod nga milapos sa tiyan, sa wala mailang responsable gamit ang 9mm pistol.

Naila ang biktimang si Margie Pinedo, 21-anyos, dalaga og residente sa Purok 8, Brgy. Limaha ning siyudad kinsa nakig-inom uban sa iyang igsoon og mga higala adiser natigayon ang pagpamusil pasado alas-8:15 kagabii sa maong barangay.

Nasayrang nadala pa sa ospital ang biktima apan tungod namatay gihapon kini paglabay sa pipila ka minutos.

Nagtuo ang amahan sa biktima nga si Jose nga ang pakigsuod sa iyang anak sa usa ka babayeng Muslim nga gitugpo na matud pa sa usa ka Muslim usab nga lalaki nga taga-Gingoog City, ang motibo sa kremin.

Kini human nakatug-an kaniya ang biktima ning mi-aging mga adlaw, nga gibaharan siya sa mga kabanay sa Muslim nga babayeng iyang higala nga patyon kini bisan asa pa nila makita kung dili magpalayo sa dalaga.

Plano unta nilang ipalayo ngadto sa Bukidnon ang iyang anak hangtud nga na-abtan na sa maong hitabo.