Injured	Killed
0	0

Date: 01 June 2013
Source: Bombo Radyo

LEGAZPI CITY – Padagos pa na pinaghahanap kan mga otoridad an duwang dae pa nabibistong lalaki, makalihis na magdeklara nin hold-up sa sarong sari-sari store sa may porsyon kan barangay Santicon sa banwaan kan Polangui, sa Albay.

 

Base sa impormasyon na ipinaabot sa Bombo Radyo Legazpi, pasado alas 9 kan nakalihis na bangui mantang pinagsasarado na ni Teresa Estrada y Fulgencio an saiyang tindahan kan bigla sana na may puminaradang pumaradang motorsiklo lunad an duwang lalaki na tulos man na nagdeklara nin hold up.

 

Nalalay kan mga suspek an maabot sa P 15, 000.oo na benta sa maghapon, kung saan isinabay pa an sulot kan biktima na hikaw.

 

Nagpalyar man na makahagad nin tabang si Estrada dara kan sobrang takot makalihis na tutukan kan dae maaraman na kalibre kan badil.

 

Sa ngunyan an padagos an imbetigasyong kan nasambitang hepatura sa paghahanap sa mga suspek na tulos na duminulag sa dae maaraman na direksyon makalihis an insidente.