Injured	Killed
0	0

Date: 06 July 2013
Source: Bombo Radyo

CAGAYAN DE ORO CITY – Natangag sa mga tulisan ang gibana-banang P170-mil nga salaping cash gikan sa usa ka taxi driver sa dihang gisulod ang ilang pinuy-anan sa Zone 8,Brgy Cugman ning dakbayan.

 

Giila ang taxi driver nga si Arthur Gabrador,40 anyos ug residente sa maong dapit.

 

Matud ni PO2 Noel Perpetua sa Cugman Police Station nga giingong tulo ka wala mailang suspek ang misulod sa balay sa biktima samtang tulog ang tibuok pamilya niini.

 

Gigapos ang mga kamot ug tiil sa biktima gamit ang shoe lace ug gibahatan sa masking tape ang baba aron dili kini makasinggit.

 

Gisaysay matud pa sa biktima nga katibuk-ang P200 -mil ang salaping cash isip halin sa gibaligyang balay apan balor sa P170-mil ang nadala sa mga kawatan.

 

Apan gisaysay ni Perpetua nga magpadadyon pa ang ilang imbistigasyon ilabina nga may nakita silang inconsitency testimony sa maong biktima.

 

Wala nila gisalindot ang anggulo nga posibleng gitulis gayud ang biktima apan gitan-aw usab nila nga lakip sa ilang gitutukan ang ”tulis me”.