Patay sa pamamaril ng riding-in-tandem ang barangay tanod ng Barangay Payatas B sa Quezon City kaninang alas-5:00 ng madaling araw.

Ilang metro lang ang layo sa barangay hall nang pagbabarilin ang 34 anyos na si Joseph De Cara.

Nabatid na naka-duty pa kagabi ang biktima at patungo na sana sa kanyang sideline na pagiging dispatcher sa may Urban road ng Lupang Pangako sa Payatas B.

Iniimbestigahan na ng Scene of the Crime Operations (SOCO) Team ng Quezon City Police ang insidente. Report from Dexter Ganibe, Radyo Patrol 45