Injured	Killed
0	1

Date: 21 January 2013
Source: http://www.sunstar.com.ph/superbalita-cebu/balita/2013/01/21/tanod-napalgang-patay-263997

USA ka 58-anyos nga barangay tanod ang nakit-ang wala nay kinabuhi sulod sa iyang balay sa La Purisima, Barangay Guizo, dakbayan sa Mandaue kagahapon sa buntag.

Ang namatay giila nga si Aurelio Bentulan, 48, biyudo ug barangay tanod sa Guizo.

Si Aurelio gideklarar nga patay na sa mga sakop sa Emergency Rescue Unit Foundation (Eruf).

Matod ni PO1 Ramil Elesar, imbestigador sa Investigation and Detection Management Branch (IDMB), pasado alas 10:00 sa buntag, si Bentulan nakit-an na lang nga wala nay kinabuhi sa iyang silingan.

Si Neda Laplana, 47, minyo, nagkanayon nga alas 6:00 sa buntag nakadungog kini og sipa sa sawog sa balay sa namatay.

Human sa tulo ka oras, nagduda si Laplana nga adunay nahitabo sa iyang silingan.

Matod ni PO1 Elesar nga si Laplana maoy nangayo og tabang sa iyang mga silingan aron ilang lilion ang lungang sa balay ila nalang kining nakit-ang naghigda na kini.

Dali nilang giablihan ang balay diin diha usab si Barangay Konsehal Arnel Roldan.

Si Elesar nibutyag nga ang tanod nag-inurang nagpuyo sa iyang balay og nag-antos kini sa high blood pressure.

Ang kapulisan miingon nga wala silay nakitang foul play sa kamatayon niini.