Injured	Killed
0	1

Date: 11 February 2013
Source: Bombo Radyo

BACOLOD CITY – Ginahibalo pa sang kapulisan kon ano ang motibo sa pagpatay sa tag-iya sang pension house sa Bacolod City kaina sang kaagahon.

Nasapwan nalang nga bangkay na ang biktima nga si Maria Carmen Galo, 84-anyos sa sulod sang comfort room sang ginapanag-iyahan mismo sini nga pension houses sa Brgy. 31 nga laslas ang liog kag may pilas sang pagbuno mga alas 3:00 sang kaagahon.

Base sa inisyal nga imbestigasyon sang kapulisan, may apat ka tawo nga check-in kahapon nga ginalakipan sang duha ka babaye kag duha ka lalaki.

Ginpahayag nga luyag sang mga ini nga mag-ukupar sang isa lang ka hulot apang wala ginpasugtan sang tag-iya base sa pagsulundan sang pension house.

Ginpahayag nga medyo nagba-isay ang mga ini kag sang tag-iya apang sang ulihi nagpasugot man ang mga ini.

Samtang, alas 10:00 kagab-i sang nagcheck-out ang una nga duha ka babaye kag lalaki kag ginsundan sang ila upod mga alas 2:00 kaina sang kaagahon.

Ginpahayag nga una nga nagguwa ang babaye kag nagsunod naman ang upod nga lalaki pagkaligad sang pila ka minutos.

May pagduda ang kapulisan nga ang lalaki nga ulihi nga nagguwa amo ang nagpatay sa biktima.

Wala naman nakilala ang mga ini bangod wala sang log book kag cctv camera ang nasambit nga pension house