Injured	Killed
0	1

Date: 16 June 2013
Source: Bombo Radyo

DAVAO CITY – Gawasnon pa gihapon pa gihapon ang duha ka mga armado nga mipusil-patay sa usa ka lalaki, diin ang krimin nasaksihan sa kinse anyos nga hinigugma sa biktima.

 

Naila ang biktima sa pagpamusil nga usa ka Ricardo Navarro, Jr. 19 anyos, residente sa Mamay Village, Damusa, ning dakbayan sa Davao.

 

Nasayran gikan sa kinse anyos nga si alyas Gigi nga naglingkod-lingkod lamang sila sa iyang hinigugma sa sikad sa kanto Sobrecarey ug Lacson St., Barrio Obrero, ning dakbayan sa Davao dihang kalit nga dunay mihunong nga kolor blue nga single motorcycle mga alas 6:45 ang takna sa kagabhi-on ug usa sa mga sakay sa motor ang miti-on ug armas tumong sa ulo sa biktima ug mipusil niini makaduha ka higayon.

 

Nakakuha ang mga sakop sa scene of the crime operatives (SOCO) ug duha ka mga baseyo sa punto kwarenta y singko calibre nga armas.

 

Anaa na sa Angel Funeral Homes sa Torres ning dakbayan sa Davao ang patay nga lawas sa biktima.

 

Gisuta pa sa pagkakaron sa kapolisan ang motibo sa krimin ug kung kinsa ang mihimo niini.

–