Injured	Killed
0	1

Date: 20 March 2013
Source: Bombo Radyo

TACLOBAN CITY – Guinpasakaan na hin kaso nga murder hi Rodulfo Hadoc Sr. 47-anyos suspect nga nakapatay mismo han iya patod ha Basey Samar nga hi Yannie Giyahan.

Sumala kan C/Insp. Vicente Villasin han Basey PNP, boluntaryo nga nagsurrender an suspek kataliwan la an insidente.

Dugang pa ni Villasin, nagkaada la hin miscommunication an duha pero waray gud daku nga delito an mga ini.

Una hini, nag-iinom daw an suspect ha Sitio Rizal, Brgy. Bulaw, Basey kon diin guinkadto ini han biktima ngan guinsukmat tungod nga kulang an tuba nga iguindudul-ong hini ngadto han iya amyaw.

Guinkunot-kunot pa daw han mao nga biktima an bado han iya patod ngan nagkagusi-gusi, pero waray la guihapon makig-away an suspek ngan umuli nala ha ira balay.

Pero pagkagab-i in guinsulong pa daw an suspetsado ni Giyahan ngan guin-ayat hin away tubtob nga umato nala ini ha biktima.

Guinsiring naman ni Villasin, nga nakaangkon hin guti nga samad ha tuhod an suspect, samtang dead on the spot naman an biktima nga nakaangkon hin duha nga dagku nga samad ha lawas.