Injured	Killed
0	1

Date: 31 July 2013
Source: Bombo Radyo

LAOAG CITY – Naipilan iti City Prosecutor’s Office ti reklamo a murder ken frustrated murder kontra iti suspek a nangtambang a poon ti nakatayan ti Fil-am a ni Carla Machado ken nakasugatan ti asawa na a ni Aaron Machado itay napan a bulan.

Nabigbig ti suspek a ni Edgar Tangonan, residente iti Brgy. Sta. Rosa, ti ciudad ti Laoag.

Ti reklamo ket naipaima kenni Asst. City Prosecutor Dennis Anthony Fito.

Manamnama ti pannaka-sub poena ti suspek tapno isumitir na ti counter affidavit na iti naipila a reklamo kontra kenkuana.

Ti PNP Laoag ti nangipila iti nasao a reklamo iti piskalya kalpasan a nadeterminar nga adda ti makaumanay nga ebidensiya kontra kenni Tangonan.

Maipalagip nga idi rabii ti Hunyo 18 ket natambang ti pamilya Machado iti paset ti Brgy. Mangato ti ciudad ti Laoag a poon ti nakatayan ni Carla ken nakasugatan met ti saka ti asawa na a ni Aaron idinto ta saan met a nairaman a nadangran ti anak da a kadua da iti pannakapasamak ti nasao a panagtambang.

Naammuan a sakbay ti insidente ket nagriri ti pamilya Machado nangruna kenni Carla ken ti suspek gapu iti daga.