Sumiklab ang labanan sa pagitan ng mga armadong supporters nina gubernatorial candidates Wahid Sahidula at Abdulsakor Tan malapit sa municipal hall ng Tongkil, lalawigan ng Sulu.

 

Hindi pa mabatid ng militar at pulisya kung may nasawi sa nasabing sagupaan.

 

Bandang alas-8:45 kaninang umaga nang magkainitan ang mga supporters nina Wahid Sahidula at Sulu Governor Sakur Tan.

 

Dahil sa insidente, agad na nagpadala ng isang Huey at MG-520 attack helicopters ang Joint Task Force Sulu sa lugar at nagkaroon din ng troop insertion upang i-pacify ang dalawang naglalabang mga armadong supporters.

 

Nabatid na kilalang balwarte ng mga Sahidula ang isla ng Tongkil sa Sulu.