Injured	Killed
0	1

Date: 27 March 2013
Source: http://www.abante.com.ph/issue/mar2713/luzon03.htm#.UVLs8xxvCC0

Umiigting ang labanang pulitika sa ba­yan ng Aliaga, Nueva Ecija matapos mapatay ang isang vendor na kilalang supporter at lider ng kamakandidatong mayor na si Bro. Rene Ordanes.

Kinilala ng pulisya ng Region 3 ang biktima bilang si Aries Dionisio, residente ng Barangay Uma­ngan, Aliaga ng nasabing lalawigan.

Isang ‘di pa nakikila­lang salarin ang gumawa ng krimen na gamit ang walang plakang motorsiklo at kalibreng 9mm na baril.

Ayon sa mga nakasaksi, dumating ang suspek sakay ng motorsiklo sa tapat ng bahay ni Dionisio bandang alas-nuwebe ng umaga noong nakaraang Biyernes.

Nagtanong pa sa biktima kung siya ang may-ari ng cellphone number na ipi­nakita nito. Matapos aminin na siya ang may-ari ng number, bumunot ng baril ang salarin at pinaputukan ang biktima na agad nitong ikinamatay. Mabilis namang tumakas ang suspek.

Sa kabila ng isinagawang dragnet ng kapulisan hindi nahuli ang suspek maging ang motibo ng pagpaslang sa biktima.

Ngunit maraming nagsasabi sa lalawigan na ang pamamaslang ay may bahid ng pulitika sapagkat si Dionisio ay masugid na li­der at supporter ni Ordanes.