Injured	Killed
1	2

Date: 31 March 2013
Source: Bombo Radyo

CAGAYAN DE ORO CITY-Duha ang nakalas samtang laing usa ang samaron sa duha ka magkalahing engkuwentro tali sa militar ug rebeldeng New People’s Army kon NPA sa Misamis Oriental ug Bukidnon.

Sa paghinabi sa Bombo Radyo Cagayan de Oro kang 4th ID spokesman Lt/Col. Eugene Osias nga unang nahitabo ang engkuwentro tali sa 58th IB,Philippine Army ug kapin 10 ka sakop sa NPA sa Brgy Bangbang,Medina, Misamis Oriental.

Sa maong engkuwentro,usa ka sundalo ang patay samtang samaron usab ang sibilyan nga si Virgilio Legazpi human giingong girapido sa mga pasibat nga rebelde.

Gisulayan pa unta sa mga rebelde nga sudlon ang detachment sa mga sundalo apan subli kining napakyas hinungdang ang mga sibilyan ang ilang gipahimungtan.

Ang pundok matud pa sa Front Committee 4-B sa mga NPA ang gikagiyera sa mga sundalo sa lalawigan.

Samtang usa usab ang giingong patay sa panig sa rebelde sa nahitabong giyera tali sa scout rangers sa 403rd IB ug Front Committee 89 sa NPA sa Brgy Dalwangan,Malaybalay City,Bukidnon.

Gisugilon ni Osias nga gawas sa namatay’ng rebelde nakuha usab sa mga kaaway ang M-14 armalite rifle.

Nagtoo si Osias nga ang sunod nga engkuwentro sa pipila ka bahin Amihang Mindanao ang may kalabutan sa ilang ika-44 tuig nga anibersaryo sa NPA nga gitakdang isaulog sa Marso 29 ning tuiga dinhi sa nasud.