Injured	Killed
0	1

Date: 13 February 2013
Source: Bombo Radyo

DAVAO CITY – Gibutyag ni Lt. Col Leopoldo Galon ang tigpamaba sa 10th ID Philippine Army nga unom ka mga gikatahapang mga sakop sa mga rebelde ang misulong sa pinuy-anan ni Corporal Peter Mayaki didto sa Purok uno Sonlon Asuncion, Davao del Norte kagahapong sa hapon.

Sumala ni Lt. Col. Galon nga gikan nangisda ang biktima uban ang iyang bayaw ug dihang nangaon na sila sa balay niini kalit matud pa nga mitunghan ang mga gikatahapang sakop sa mga rebelde dala ang mga tag-as nga klase sa armas sama sa M16 ug uban pa.

Samtang nagkaon matud pa si Corporal Mayaki, gibutang matud pa niini sa ibabaw sa lamesa ang iyang .45 nga armas nga gikuha usab sa mga rebelde ug maoy matud pa gigamit sa pagpusil sa iyang ulo.

Sa kasamtangan anaa sa balay tambalanan ang bayaw sa biktima nga naangol human ang insidente samtang ang patay ni Mayaki ang gipahimutang sa usa ka punerarya sa Panabo City.

Gikumpirma sab sa opisyal nga usa ka kanhi miyembro sa rebelde ang biktima hangtud nga nahimong sakop sa kasundalohan ug nadestino sa Military Intelligence Battalion.

Gikanayong ayha pa man napatay ang biktima, gibutyag matud pa niini ngadto sa iyang mga higala nga nakadawat siya ug bahad sa kinabuhi hinungdan nga gitambagan sab si Corporal Mayaki nga kanunay magbinantayon.

Gitataw sab ni Col. Galon nga sakay matud pa sa mga motorsiklo ang mga suspek diin gisulod niini sa sako ang ilang dala nga mga long firearms.

Nasayud na matud pa ang mga gikatahapang sakop sa mga rebelde kung paunsa nila buhaton ang plano gumikan kay aduna na matud pa pipila niini ang nag-atang sa biktima.

Pasakahan gilayon sa militar ug kaso ang mga sakop sa rebelde nga responsable sa pagpatay kang Corporal Peter Mayaki sakop sa Military Intelligence Battalion nga gipusil kagahapong adlawa sa gibana-banaang unom ka mga sakop sa NPA.

Kini ang gibutyag ni Lt. Col Leopoldo Galon ang tigpamaba sa 10th ID Philippine Army. Sumala sa opisyal nga gawas sa pagpasaka ug kaso, magpahigayon usab ug pursuit operation ang mga militar arun nga masikop ang mga suspek ug patubagon sa ilang sala nga nahimo.

Samtang gitambagan sab sa opisyal ang mga sakop sa mga rebelde nga mas maayong mobalik na lamang sa sabakan sa balaud ug dili magpatuo-tuo sa mga saad sa ilang leader.

Kung magpadayon matud pa ang mga nahisgutan sa ilang mga tumong, daw susama matud pa kini sa usa ka kompanya nga nalugi tungod sa Scam.

Dugang sa opisyal nga dili sumala pa angay nga tuohan ang pahayag sa mga rebelde nga pamatyon ang si bisan kini man nga mobalik sa sabakan sa kagamhanan inay andam matud pa ang gobyerno nga motabang sa mga rebel returnee arun mahibalik sa normal ang kinabuhi niini.