Injured	Killed
0	1

Date: 16 June 2013
Source: Bombo Radyo

BUTUAN CITY – Patay ang usa ka on-duty nga sundalo human gipusil sa silingang kanhi sundalo usab atol sa kapistahan sa ilang barangay kagahapong adlawa sa Barangay San Antonio lungsod sa RTR, Agusan del Norte.

 

Gi-ila ni P/Insp. Rene Sarmiento, acting chief of police sa maong lungsod, ang biktimang si PFC Freddie Tindugan, 40-anyos, minyo og nadestino sa 402nd Infantry Division, nga nakabase sa Barangay Bancasi ning siyudad samtang ang suspek mao si Alexander Enriquez nga anak sa banragay kapitan og nadestino kaniadto sa Lanao del Norte.

 

Migawas sa inisyal nga imbestigasyon nga parehong naka-inom ang duha tungod sa kapistahan sa ilang barangay apan pagka-alas-3:30 sa hapon, nagpabuto matud pa sa iyang armas ang biktima hinungdan nga girespondehan kini ni Kapitan Enriquez nga ka-uban usab ang suspek nga anak niini.

 

Apan inay mupatuo, gi-harass na hinuon sa biktima ang grupo sa kapitan og gipusil ang usa sa iyang mga ka-uban hinungdan nga gipusil na kini sa suspek diha sa iyang dagway sa duha ka higayon.

 

Gidala pa kini sa ospital apan gideklara na kining dead-on-arrival sa attending physician.

 

Padayon pa nilang gipangita ang gika-ingong kalibre 45 nga pistola nga gigamit sa biktima og usa ka rvolver nga gigamit sa suspek aron mapa-ilalom sa ballistic examination.

 

Ipa-ilalom usab sa paraffin test ang duruha aron magamit ang resulta sa kasong posibleng atubangon sa suspetsado.

–