Injured	Killed
0	1

Date: 31 January 2013
Source: Bombo Radyo

ROXAS CITY – Patay ang isa ka soltero nga ginbuno sa dughan samtang nagatan-aw sang dance contest sa Ameligan Elementary school.

Isa ka daku nga pilas sa dughan ang naangkon ni Jonel Villariña nga gintunaan sang iya kamatayon.

Sa interview kay SPO2 Fernando Marquez, imbestigador sang Pontevedra PNP, ginpahayag sini nga nagatan-aw sa dance contest ang biktima sang hinali sumbahon sa nawong ni Archie Villareiz sang wala nga kabangdanan.

Pagkaligad sang pila ka minuto nag-abot si Janisco Villareiz kag kasunod sa pagpalapit sa biktima ang pagbuno sini sa iya nga dughan.

Nagtuyo nga magpalagyo ang mga suspek matapos ang insedente apang nadakpan man sang grupo sang barangay kapitan sang nasambit nga lugar.

Sa karon nakabilanggo na ang duha ka magparyente nga Villareiz.