Injured	Killed
1	0

Date: 05 February 2013
Source: Bombo Radyo

ROXAS CITY – Pilason ang isa ka 17-anyos nga solterito matapos bun-on sang menor de edad nga abyan sa Barangay Concencia, Panit-an, Capiz.

Padayon nga ginabulong sa ospital ang biktima nga si alyas Joven matapos nag-angkon sang mga pilas sa ulo kag lawas tuga sang ng pagpanglabo sang abyan nga si alyas Vonn, 16, gamit ang binangon.

Naga-gwa sa inisyal nga imbestigasyon sang pulisya, nga nag-angkon sang indi intindihanay ang duha samtang magka-upod nga naga-uling sa talon.

Bangud sa sobra nga kaakig, nagpauli sa ila balay ang suspek kag nagbalik bitbit ang binangon nga ginlabo sa abyan.

Gilayon nga nagpalagyo ang menor de edad nga suspek kag ang amay pa sini ang nagdala sa biktima sa Roxas Memorial Provincial Hospital.