Injured	Killed
0	0

Date: 24 June 2013
Source: Bombo Radyo

ILOILO CITY– Wala sang may napilasan sa tropa sang gobyerno sa natabu nga encounter batok sa mga miembro sang New People’s Army (NPA) sa Sitio Mangkopa, Brgy. Manampunay, Leon, Iloilo.

 

Sa interview sang Bombo Radyo kay Major Rey Tiongson, spokesman sang 3rd Infantry Division sang Philippine Army (PA), natabu ang engkwentro pasado alas 5:00 kaina sang kaagahon sa diin nakabaton sang impormasyon ang mga soldado nga nasiplatan ang presensya sang mga rebelde sa lugar.

 

Gilayon naman nga nagresponde ang mga miembro sang 82nd Infantry Batallion kag naka-engkwentro ang 7 ka mga rebelde.

Naglawig sang 10-15 minuto ang bayluhanay sang lupok.

 

Ginapatihan may napilasan ukon napatay sa grupo sang mga rebelde bangud sa nakit-an nga mga tinulo sang dugo sa lugar nga ginluntaran sang engkwentro.

 

Sunu kay Tiongson, miembro sang Napoleon Tumagtang Command ang naka-engkwentro sang mga soldado