Injured	Killed
0	0

Date: 30 July 2013
Source: Bombo Radyo

BACOLOD CITY – Nakabilanggo na ang isa ka snatcher sa Bacolod City nga ang modus amo ang pagsuksok sang brief sa iya nga pagpang snatch.

 

Si Mark Gallo Mahilum sang Brgy. Estefania, Bacolod City ang nadakpan ang mga barangay tanod kaina sang kaagahon samtang nagabantay naman sang mabiktima kag nakita nga may sukbit nga armas luthang.

 

Nagtuyo pa ini nga magpalagyo paagi sa pagsakay sa tricycle apang ginlagas tubtub nga nadakpan.

 

Nahibaluan nga ini ang responsable sa pagpang snatch sang mga mga bag kag alahas sang mga kababainhan nga nagalabay sa kilid sang barangay hall.

 

Nagasuksok lang ini sang brief sa pagpang snatch agod wala sang mahawiran nga panapton ang mga mabiktima sini kag matalunsay ang iya nga pagdalagan palagyo.

 

Pila naman sa mga nangin biktima sini ang positibo nga nagkilala sa iya sa police station matapos nga ini ang nadakpan.