Injured	Killed
0	1

Date: 15 April 2013
Source: Pilipino Star Ngayon

MANILA, Philippines – Masusing imbestigas­yon ang isinasagawa nga­yon ng Parañaque City Police laban sa pagkamatay ng isang graduating student ng Asian Institute of Maritime Studies na iniuwing walang buhay sa condo sa naturang lungsod kama­kalawa ng Sabado.

Kinukumpirma ng pu­lisya kung sadyang nahulog sa itaas ng Fountain Breeze Condominium ang 26-anyos­ na si Kevin Gallardo­  o nasawi sa hazing­ base sa hinala ng magulang nito.        

Sa ulat ng pulisya, Biyern­es ng gabi nang mag­paalam si Gallardo sa mga magulang na lalabas kasama ang mga kabar­kada.  Sabado na ng umaga­ nang ihatid si Gallar­do ng mga kabarkada nito na wala nang buhay.

Ayon sa kabarkada ng biktima na si Cham Ca­ballero, nakipag-inuman ang biktima kasama ang siyam pang kaibigan.

Huli umano nila itong nakita noong Sabado ng umaga nang ihatid sa tini­tirhang condominium bldg. sa Lombos Avenue, Sucat, Parañaque City.

Sa record ng pulisya, nalaglag umano sa gusali, marahil sa kalasingan ang biktima na dahilan ng pagkasawi nito. 

Wala namang “closed circuit television camera” ang gusali upang makumpirma ang naturang ulat.

Ngunit ayon sa ina ng biktima, may dalawang tama ng saksak ng icepick umano sa likod ang kanyang anak kaya hinihinalang sinadyang patayin o biktima ito ng  hazing.

Patuloy namang hini­hintay ng mga magulang ng biktma at ng pulsiya ang otopsiya sa bangkay ng biktima na siyang makapagtitiyak sa tunay na sanhi ng kamatayan nito.