Injured	Killed
0	1

Date: 23 January 2013
Source: Banat News

CEBU, Philippines – Namatay diha-diha  ang usa ka gwardiya nga gipusil sa tulo ka tawong nagmotorsiklo didto   sa   taytayan  sa barangay Bulacao  syudad sa Sugbo  sa miaging  gabii.

Ang biktima nailhan nga si Renerio Ylanan, 42, usa ka  security guard  nga taga barangay Mahayahay syudad sa Talisay ug kasamtangan nga konektado sa Standout Security Agency.

Sa pakighinabi sa Banat News ni SPO1 Alex Dacua sa Homicide Section, sa Cebu  City  Police  Office   nasuta  nga ang biktima nagsakay sa iyang motorsiklo dala ang mga labhanan nga gikan sa dormitory nga iyang gibantayan.

Sa diha nga naabot kini sa maong lugar, giingong gitaparan kini sa motorsiklong gisakyan og tulo ka lalaki diin ang  duha  niini  ka backrider   maoy mipusil  sa biktima sa makatulo ka higayon.

Matud pa ni Dacua nga   dihang  ilang gisusi  ang  lawas  sa  biktima, samdan  kini   sa buko-buko ug liog nga misangpot  sa iyang hinanaling kamatayon.

Ang asawa  sa biktima   nga si Joy   mitug-an  sa kapolisan   nga  may  gikalalis  ang  iyang  bana  nga  kauban  ra usab  niining  guwardiya.

Gawas  sa maong  guwardiya  nga  wala  hinganli  sa asawa  walay  laing  kontra  sa trabahoan  ug  sa ilang  gipuy-an  ang  biktima

Tungod niini, si Dacua mibutyag nga ilang gisubay karon ang anggulong  personal  nga bangi  ang  malagmit  hinungdan  sa maong  pagpamusil  tungod usab sa gisulti sa asawa niini ngadto kanila.

Dugang pa ni Dacua nga ila usab nga ipatawag ang gitumbok   sa asawa  nga gwardiya   nga  gikalalis  sa iyang  bana aron pakisayran  kun  nalambigit  ba  kini  sa kamatayon  sa biktima.

Samtang  padayon  pa  nila karong  gipanid-an ang  mga  kriminal  aron  sa  pagdakop  niini  kun ilang  hiilhan, sumala  pa ni Dacua. (BANAT NEWS)