Injured	Killed
0	1

Date: 01 June 2013
Source: Bombo Radyo

NAGA CITY– Gadan an sarong parauma matapos badilon kan dai pa nabibistong suspetsado mantang nagpapahingalo ini sa saiyang bahay kubo sa Brgy Hamoraon, Mercedes, Camarines Norte kan nakaaging aldaw.Sa ipinaabot na impormasyon kan Camarines Norte Police Provincial Office, binisto an biktima na si Alexander Aguilar y Zantua, 50 anyos kan Barangay Poblacion, Talisay, sa probinsya nin Camarines Norte.

 

Napag-araman na nagpapahingalo suboot an biktima matapos bisitahon ang saiyang coconut farm kan uminabot an sarong lalaking dai pa nabibistado asin badilon an biktima sa daghan kaini.

 

Nakatinir na ngunyan an bangkay kan biktima sa residensya kan saiyang bayaw na si Teody Estallo na Deputy Tanod kan nasambit na barangay mantang mabilis man na nakadulag an suspetsado matapos an krimen.Mientrastanto padagos pa man an ginagibong imbestigasyon ngunyan kan mga otoridad para sa posibleng pagkakabisto asin pagkakadakop sa nasambit nang suspetsado.