Hinoldap ang isang sangay ng Western Union sa kahabaan ng JP Laurel Highway, Barangay Mataas na Lupa sa Lipa City, Batangas.

Ayon sa pulisya, nagpanggap na customer ang mga suspek saka tinutukan ng baril ang gwardya.

Matapos matangay ang armas ng sekyu, tinutukan naman ng mga armadong suspek ang teller at inutusang buksan ang vault saka kinuha ang pera.

Tinangay din ng mga ito ang clutch bag ng teller.

Hindi pa mabatid ang halaga ng nakuha sa sangay ng Western Union.

Patuloy naman ang pagtugis sa mga suspek na tumakas umano sakay ng itim na motorsiklo. Report from Arnell Ozaeta, DZMM Correspondent