| Injured | Killed |
|---|---|
| 0 | 0 |
Date: 25 May 2013
Source: Bombo Radyo
KALIBO, AKLAN – Naduea-an it masobra sa $700 nga cash ag importanteng mga dokumento ro sangka bakasyunistang Russian national matapos nga mabiktima it “salisi gang” samtang sa sueod it sangka internet shop sa Talipapa Market sa isla it Boracay.
Personal nga nagdangop sa Boracay Tourist Assistance Center (BTAC) ro biktimang si Sergi Burugcob, 34, taga Russia nga temporaryong naga-istar sa sangka hotel sa station 2 sa nasambit nga isla.
Ginpahayag it biktima nga samtang masako imao sa pag-surf sa internet hay ginbutang nana ro anang itom nga wallet sa anang kilid nga may sueod nga kwarta ag pilang dokumento.
Kat matapos eon sigon imao nga mag-internet ag ginbo-oe ro anang wallet hay owa eon raya.
Owa man sigon it nataeupangdan ro biktima nga may nagpaeapit kana. Nagpromisa ro tag-ana it internet shop nga pagatan-awon ro andang CCTV camera agud nga masayuran kon sin-o ro nagsalisi sa nasambit nga Russian national.