Injured	Killed
0	1

Date: 31 July 2013
Source: Bombo Radyo

NAGA CITY – Iniimbestigaran ngonian kan otoridad an nangyayaring pambabadil-gadan sa sarong dating miyembro kan Philippine National Police sa probinsiya kan Sorsogon.

 

Binisto an biktima na si retired SPO1 Virgilio Miguel Gara na nakadestino dati sa National Capital Regional Police Office.

 

Basado sa nakuang impormasyon kan Bombo Radyo Naga, alas-7 kasubagong aga kan pagbabadilon an biktima sa atubangan mismo kan saindang harong sa Barangay Gadgaron sa banwaan nin Matnog.

 

An insidente an harani lang suboot sa Highway Patrol Group Checkpoint sa lugar.

 

Nagsapo nin duwang tama nin bala an biktima sa saiyang payo na naging kawsa kan saiyang tulos na kagadanan.

 

Sa inisyal na imbestigasyon, pinagtutubudang miyembro kan sparu an may kagibo kan krimen sa dae pa maaraman na rason.

 

Tulos na nagdulag an mga suspetsado sa bulod na parte kan lugar mantang inaaram na an saindang mga posibleng identity.

1