Injured	Killed
0	0

Date: 05 May 2013
Source: Bombo Radyo

LAOAG CITY – Balligi a naitaray dagiti dua a suspek a maatap a kameng ti budol-budol gang a maysa a babai ken maysa a lalaki ti umabot ti P50,000 a balor ti alahas manipud iti maysa a retirado a principal iti Brgy. Caoacan ti ciudad ti Laoag.

 

Nabigbig ti biktima ni Retired Principal Teresita Gonzales, residente iti nasao a barangay.

 

Segun kenni Brgy Chairman Arnel Arcano ti Brgy. Caoacan, dagiti suspek ket immuna a nagpammarang nga aglako ti regulator ti lpg iti biktima.

 

NUpay kasta, iti maikadua a gundaway a panagturong dagiti suspek kenni Gonzales ket ditoy nga impakaammo da iti biktima a nangabak ti P50 agingga ti P100,000 iti maysa a pasalip nga inwayat da ket dinawat da a mangted iti ID wenno sedula na.

 

Ngem kalpasan a naited ti biktima ti ID ken sedula na ket nakumbinsir da a nangiruar iti lima nga alahas na.

 

Dagiti alahas ket pakairamanan ti maysa a kuwentas, bracelet, aritos ken singsing.

 

Kuna ni Arcano nga awan a pulos ti panagkedked ti biktima a nangiyawat kadagiti alahas na kadagiti dua a suspek.

 

Inbatad pay ti opisyal ti barangay a no makita manen ti biktima ti babai a suspek ket mailangaan na.

 

Patien ni Arcano a kameng ti sindikato dagiti dua a suspek a nakastrek iti barangay da.