Injured	Killed
0	0

Date: 21 October 2013
Source: Bombo Radyo

NAGA CITY – Nagpakol sa kabilugan na P100,000 an nalalay na mamahalon na gamit kan mga parahabon sa sarong harong sa Bagumbayan Sur, Naga City.

 

Basado sa may sadiri na si June Carla Barrameda, pag-abot ninda sa saindang harong pasado alas 9:00 kasubanggi, nariparo na sana nindang raot na an saindang puertahan sa likod kan harong.

 

Kan riparuhon kan mag-agom, napag-araman kan mga ini na nilalay kan mga parahabon an saindang limang mamahalon na mga relo.

 

Dae man pinalagpas kan mga ini an saindang portable DVD, digital massgae therapy, sapatos, gold na kulintas asin pati an remote controlled car na kawatan nadara man.

 

Alagad haros magkahibi an duwa kan maaraman na kinua man kan mga suspek an saindang kwartang delihensya sa pagpapasada kan taxi na P28,000.

 

Sa ngonian, padagos pa an ginigibong imbestigasyon kan mga otoridad sa pangyayari urog na ta may nawalat na sarong pades na tsinelas na pinagtutubudang pagsasadiri kan saro sa mga suspek.

–