Injured	Killed
0	1

Date: 09 June 2013
Source: Bombo Radyo

BUTUAN CITY – Patay ang salin nga membro sa Ondo Perez kidnap for ransom group sa Agusan del Sur human kini nakigpinusilay sa kapulisang mag-serve unta og warrant of arrest ngadto kaniya kagahapong adlawa sa alas-6:00 ang takna sa buntag sa Purok 15, Sta. Irene, Prosperidad, Agusan del Sur.

 

Naila ang suspek nga nahimong biktima nga si Reymundo Vargas, kinsa nakuhaan pa og usa ka magnum 357 revolver og usa ka granada.

 

Sigon ni P/Supt. Bowen Joey Masauding – regional chief sa Criminal Investigation and Detection Unit kon CIDU-Caraga, dihang mi-abot ang iyang mga sakop sa lugar sa suspek, gipusil sila uban sa mga ka-ubanan niini hinungdan sa pipila ka minutong engkwentro.

 

Dali matud pang nanibat ang ubang mga naka-bonnet nga armadong kalalakin-an dihang usa kanila ang natumba og sa pagsusi sa mga otoridad, dinhi na nakumpirma nga mao kini ang ilang gipangitang si Vargas. Dali matud pa kining gidala sa ospital apan gideklara nang dead on arrival.