Injured	Killed
0	1

Date: 25 January 2013
Source: http://www.sunstar.com.ph/superbalita-cagayan-de-oro/balita/2013/01/25/referee-gipusil-patay-264785

Friday, January 25, 2013

PATAY ang 31 anyos nga lalaki human gipusil sa wala mailang suspetsado niadtong Huwebes mga alas 5:20 sa hapon sa Zone-3, Barangay Bugo ning siyudad sa Cagayan de Oro.

Si Police Officer 1 Rochelle Chavez sa Police Station 6 sa Puerto niila sa biktima nga mao si Hermie D. Patalinghug alyas Wabol, minyo, residente sa susamang dapit.

Butyag ni Chavez sa Sun.Star SuperBalita nga nag-referee sa gipahigayon nga basketball ang biktima dihang kalit lang kining gipusil sa wala mailang lalaki. Miresulta sa pagkaligid niini. Naigo ang biktima sa iyang ulo nga milahos sa aping.

Ang mga tawo nakurat pag-ayo sa hitabo ug sa kahadlok usab nga pusilon wala masundan ang suspek kinsa yano lang misibat ug misakay gilayon kini sa iyang giparking nga motorsiklo.

Girespondehan sa kapolisan ang hitabo ug ilang nahipos sa crime scene ang basyo sa kalibre .45 nga gigamit sa pagpamusil.

Blanko pa usab ning panahona ang kapolisan sa motibo sa suspek ug ingon man mga kalambigitan niini nganong gipusil patay kini.

Gisuwayan pa ug dala ang biktima sa Bugo Despensary nga nahimutang sulod mismo sa planta sa Del Monte apan gideklarar kini sa mga doktor nga dead on arrival.

Ang kapolisan padayon pa sa pagimbestiga sa kaso ning panahona human migawas ang taho nga daw usa kini ka police asset.

Ang igsuon sa biktima naninguha nga makab-ot ang hustisya sa kamatayon sa iyang igsuon ug dako ang pagtuo niining ang nipusil sa biktima ang tigamitan ug ginadiling druga.