Injured	Killed
0	0

Date: 31 July 2013
Source: Bombo Radyo

ILOILO CITY – Nag-atubang na sa media matapos ginreport nga indi na makit-an ang punong barangay nga tag-iya sang balay nga gin-raid sang mga pulis nga nagaserbe nga gambling den.

 

Sa interview sang Bombo Radyo kay Punong Barangay Victorio Rejaba Sr. sang Barangay Tabuc Suba, Jaro, Iloilo City, gin-ako sini nga may iligal nga pasugal sa iya balay.

 

Apang gindepensa sini nga indi siya ang nagaoperate sang iligal nga pasugal kundi ang iya nga bayaw kag gina-arkilahan lamang ang balay.

 

Nahibaluan nga nagadangat sa tunga ka milyon ka pesos kalakip na ang mga gambling paraphernalia ang narecover nga kwarta sa balay sang punong barangay sang gin-raid ini sang mga pulis sang Byernes sang hapon.

 

Gilayun naman nga ginpasakaan sang kaso ang anak sang punong barangay kag tatlo ka iban pa nga napamatud-an nga naulamid sa illegal gambling samtang ginahitso naman sang mga pulis ang pagpasaka sang kaso batok sa punong barangay.

 

Suno sa opisyal, handa siya nga atubangon ang kaso nga ipasaka batok sa iya.

 

Nagpaathag man ini nga may ginkadtuan siya sa banwa sang Dumangas, Iloilo sang gin-raid ang iya balay gani wala siya nadakpan sang mga otoridad.