Injured	Killed
0	1

Date: 25 February 2013
Source: http://www.abante.com.ph/issue/feb2513/crimes03.htm

Isang holdaper na nakipagpalitan ng putok sa mga awtoridad ang nasawi makaraang holdapin ang isang call center agent sa kahabaan ng Commonwealth Avenue sa Quezon City kamakalawa. Dead on the spot ang hindi pa nakikilalang suspek na inilarawang nasa edad 25-30, may taas na 4’1″, nakaputing t-shirt, itim na cargo pants, may tattoo na “Chi Kano” sa dibdib at tribal tattoo sa buong katawan. Nangyari ang engkuwentro sa Arboretum St., Brgy. UP Campus ganap na alas-8:35 ng gabi. Nasawi ang suspek matapos makipagbarilan sa mga pulis na rumesponde ilang minuto matapos holdapin ang biktimang si Gyde Soriano, 25, taga-Sacred Heart Subd., Brgy. Lagro sa lungsod. Ayon kay Soriano, nag­lalakad umano siya sa labas ng UP-Ayala Technohub nang lapitan ng suspek na armado ng baril at sapilitang kinuha ang kanyang bag. Agad na nakahingi ng tulong sa nagpapatrul­yang pulis ang biktima na siyang humabol sa suspek na nang manlaban ay tinuluyan ng mga pulis.