Sa paghinabi sa Bombo Radyo Cagayan de Oro,gisaysay ni Bukidnon provincial police deputy for operations P/Supt Erwin Meneses nga kabahin sa nakalinggawas sa kamatayon ang mga biktimang si SPO3 Rodrigo Ramos sa Quezon Police Station ug political leader Jack Ragmac kauban ang iyang kaipon sa dihang gipaulanan sa mga bala sa upat ka mga lalaki nga nakasakay sa kolor puti nga fortuner vehicle.

 

Matud ni Meneses nga giila ang lider sa mga suspek nga si Miming Jayuma nga giingong tawo sa pildirong mayoralty candidate sa lungsod.

 

Asoy ni Meneses nga managhigala si Ragmac ug Jayuma apan pagkapildi sa kandidato sa suspek kalit nila kining gisulong ug girapido.

 

Nakuha sa crime scene ang 27 ka empty shells sa M-16 armalite rifle ug walo ka kapsula sa .45 pistol.

 

Wala pa nakontento,ila usab girakrakan si Ramos nga niadtong tungura atua sa municipal gym.

 

Naka-return fire si Ramos hinungdang nakasibog ang mga suspek.

 

Nakuha usab sa crime scene ang 117 ka empty shells ug duha ka wala kabuto nga 40mm projectile grenade.

 

Dugtong niini,gitakdang sang-atan nila sa patung-patong nga kaso sa piskalya ang grupo ni Jayuma ug bisan ang pildirong kandidato gumikan sa pagbalibad nga maimbitaran sa imbistigasyon.

 

Hisayrang sila si incumbent Quezon Mayor Gregorio Gue sa Bukidnon Paglaum Party; Supremo Bert Ramilo sa partidong Aksyon ug John-John Fortich isip independente ang init nga nagsangka sa pagka-alkalde sa nahisgutang lungsod.