Injured	Killed
0	0

Date: 20 March 2013
Source: Bombo Radyo

DAVAO CITY – Nagpadayon ang hot pursuit operation sa Nabunturan PNP ug 66th Infantry battalion sa Philippine Army human gidagit sa mga myembro sa rebeldeng NPA ang usa ka PO3 Ruben Mujapa ug usa usab ka sibilyan.

Nahitabo ang pagpangdagit sa pulis ug sibilyan kaganihang alas sais sa buntag diin ang mga myembro sa rebeldeng NPA sa ilalum sa front 27 sa Southern Mindanao Regional Committee.

Nagpahigayon matud pa ug check point ang mga rebelde sa Brgy Anislagan ug Purok 2 Brgy. Mainit Compostela Valley Province.

Sa pagpahigayon ug rescue operation ang otoridad, usa ka landmine usab ang mibusikad diin duha ka mga sundalo matud pa ang slightly injured.

Human ang panghitabo, daling miikyas ang mga sakop sa NPA padulong sa Tagnukon ug Pulang Lupa, Brgy Andili, Mawab Compostela Valley Province.

Anaa sa alert level 3 pa gihapon ang mga elemento sa Nabunturan PNP ug Philippine Army diin padayon ang pagpangita sa mga responsableng mga rebelde.