Isang pulis na pauwi na kaniyang bahay ang binaril at napatay ng hindi pa nakikilalang salarin sa Sara, Iloilo nitong Miyerkules ng umaga.

Sa ulat ni Melinda Catahay sa dzBB-Iloilo, kinilala ang biktima na si PO3 Marlino Ables, nakatalaga sa bayan ng San Dionisio, Iloilo.

Sa inisyal na imbestigasyon, sakay umano ng kanyang motorsiklo si Ables at pauwi na sa kanyang bahay dakong 10:00 a.m. nang barilin ito ng suspek na nakasakay din sa motorsiklo.

Nasawi ang biktima dahil sa tinamong tama ng bala sa katawan.

Patuloy naman ang imbestigasyon ng pulisya sa motibo ng pagpatay kay Ables. – See more at: http://www.gmanetwork.com/news/story/296984/ulatfilipino/iloilo/pulis-patay-sa-ambush-sa-iloilo-tatakbong-konsehal-binaril-sa-loob-ng-bahay-sa-la-union#sthash.fHjNtMMm.dpuf