Injured	Killed
0	1

Date: 28 May 2013
Source: Bombo Radyo

CAGAYAN DE ORO CITY – Patay ang usa ka police officer human ang giingong pagpaligis niini sa naghaguros nga sakyanan sa national highway sa lungsod sa Opol,Misamis Oriental.

 

Kini human madakpi si PO1 Wilven Catalan sa Regional Public Safety Batallion (RPSB) 10 tungod sa giingong pagtulis sa usa ka Lending firm nga gipanag-iya sa kanhi police official sa PNP Regional Command No.10.

 

Sa paghinabi sa Bombo Radyo Cagayan de Oro,gisayasy ni S/Insp. Elmer Robas,hepe sa Cugman Police Station nga subay sa ilang imbistigasyon si Catalan ang giingong nagplano sa tanan aron himoon ang pagpanulis diin nadala ang balor P150-mil cash money.

 

Matud ni Robas nga nagsilbi usab nga look-out si Catalan sa dihang nahitabo ang krimen.

 

Si Robas miingon nga adtuan na unta nila ang mga kauban ni Catalan apan pag-abot sa lugar,kalit gituklod niini ang mga security escort ug gisugat ang usa ka pick-up truck hinungdan sa kamatayon niini.

 

Dugang ni Robas nga nalambigit usab si Catalan sa usa ka robbery hold-up sa usa ka gasoline station sa syudad.

Sa pagkakaron,padayong gisuta pa ni Robas ang lokasyon sa mga kauban ni Catalan nga giingong mga pulis dinhi sa Amihang Mindanao.