Injured	Killed
0	0

Date: 03 May 2013
Source: Bombo Radyo

LEGAZPI CITY – Labis na takot ang idinulot sa mga pasahero ng isang jeep makaraang manutok ng baril ang isang pulis sa Camarines Norte.

Dumulog sa pulisya si Cherry Teh y Rafer, 32, residente ng Purok-Narra, Poblacion-2, Basud ng nasabing lalawigan, kasama ang driver ng sinakyan nitong jeep na si Carlos Dimas y Magana, kapwa residente ng nasabing lugar.

Sa imbestigasyon, lumalabas na habang nagmamaneho ang driver ay bigla na lamang itong hinarang ng pulis na kinilala lamang sa pangalan na P/Insp Vargas ng PIAS Camarines at biglang tinutukan ng baril ang biktima.

Hindi pa nakontento at maging ang mga pasahero ay tinakot din nito.

Matapos ang insidente, agad namang tumakas ang suspek.

Sa ngayon, patuloy pa imbestigasyon ng Basud Municipal Police Station sa naturang pangyayari.