Injured	Killed
0	0

Date: 31 March 2013
Source: Bombo Radyo

GENERAL SANTOS CITY-Gisulod sa selda ang usa ka pulis sa human nga gireklamo nga nagmaoy og nangulata sa usa ka sibilyan sa GenSaville Subdivision, Bula,GenSan.

Giila ni P/Inspector Ronnie Pua, deputy station commander sa Bula PNP ang nasampit nga si PO1 Niño Escaro nga taga Phase 2 Gensanville, Bula.

Gireklamo ang maong pulis sa usa ka Jervin Palate, 25, nga taga Prk. Shariff Mucsin, Lower Baluan ning dakbayan human kini gisipa og gisagpa ni Escaro.

Wala pa nakuntento ang maong pulis gumikan nanion kaniya ug pusil alas 10 kagabii.

Gibutyag ni Pua nga sa dihang girespondihan ang panghitabo, naabtan si Po1 Escaro nga hubog hinungdan nga gidala sa presinto.

Apan inay nga mutuman sa mga pulis human nga nagmaoy, nahimong arogante ang nasampit ug wala mitua kang Pua.

Nagkanayon pa ang nasampit nga dili mahadlok sa implementasyon sa gun ban, butang nga gikasuko sa opisyal.

Kahibaluan nga si Escaro ang na-assign sa City Intelligence Branch sa General Santos City Police Office.