Injured	Killed
0	0

Date: 21 June 2013
Source: Bombo Radyo

KORONADAL CITY – Ginreklamo sang isa ka 23-anyos nga lalaki ang isa ka pulis matapos magpanutok sang armas luthang samtang naga-kanta sa isa ka video k bar sa siyudad sang Koronadal.

 

Ginkilala ang nasambit nga pulis kay PO2 Ronel Lanuza sang South Cotabato Police Provincial Office.

 

Suno sa nagreklamo nga si Jose Leo Monterola, nga residente sang Barangay Namnama, Koronadal City, samtang nagakanta siya sa isa ka videoke bar sa Barangay Zone 4, sini nga siyudad sang ginpalapitan siya ni PO2 Lanuza kag hinali nga gintayaan sang armas luthang sa kilid sini.

 

Bangud suno pa sa kahadlok, nagdalagan si Monterola padulong sa police station kag didto ginreklamo ang nasambit nga pulis.

 

Naabtan pa sang mga katapu sang Koronadal City PNP ang suspek sa nasambit nga videoke bar, kag gin-agda nga magpadulong sa police station.

 

Apang wala naghlisugot ang duha sang nag-istoryhanay na rason nga iga-turn-over na lamang sa ground commander sang South Cotabato Police Provincial Office ang kaso sang nagpanaya nga pulis.