Injured	Killed
0	2

Date: 03 February 2013
Source: bombo radyo Saturday, 02 February 2013 18:13

 

DAVAO CITY – Patay ang usa ka SPO4 Allan Balingit, minyo, residente sa Buhangin, ning siudad, kanhi sakop sa SWAT, nagpositibo kaniadto sa gipahigayon nga random drug test.

Mag-usa pa lamang ka bulan nga nadistino sa Davao Oriental.

Kaganinang mga pasado alas-2:00 sa hapon nagpahigayon ug buy bust operation ang Investigation Detection Management Branch sa Davao City Police Office (IDMB-DCPO) ug nasakpan sa akto ang nahisgutan nga police, apan gumikan sa pagpakita ug pagsukol ni Allan Balingit hinongdan nga milanog ang boto-boto sa armas.

Si Balingit naigo sa iyang wala nga mata ug mi-awas ang iyang utok, naigo sab siya sa dughan nga bahin.

Wala gayud magduha-duha ang mga sakop sa kapolisan sa Davao City Police Office pagpanguna ni Police Senior Superintendent Ronald dela Rosa nga pusilon patay ang biktima human nga mipakita sa pagsukol human nga na-aktohan nga nagdula ug illegal nga druga sa Bolton Isla, ning dakbayan sa Davao.

Si Balingit gika-ingon nga nag-AWOL na ug mi-adto lamang sa Bolton Isla diin didto sab ang iyang ka live in.

Gikompirma ni Police S/Supt. Ronald dela Rosa nga AWOL na si Balingit sulod na sa halos usa ka bulan gumikan sa pagpositibo sa illegal nga druga.

Nakuha gikan sa belt bag ni namatay ang walo ka nagkada-iyang gidak-on sa sachet sa shabu, lima ka lighter, foel, XR Motorcycle, ug 380 colt nga armas.

Gikompirma sab ni dela Rosa nga si Barangay 40 Bolton diin nahimutang ang ilang boarding house.

Gikan sa majongan gidala sab sa kapolisan ang lamesa ug lingkuranan, apan na ang mga kwarta nga anaa niini.

Mipasalig ang kapolisan nga karong Lunes makuha na sa atag-iya ang ilang mga personal nga gamit nga nalakip sa pagdala sa kapolisan.

Si Mr. Vergelio de la Cruz, tag-iya ug Car Wash, kinsa kaila sab ni Allan Balingit misaysay sa iyang nasaksihan atol sa natigayon nga pinosilay.

Gawas sa armas duna sa’y dala nga hand granade si Balingit.