Injured	Killed
0	2

Date: 03 April 2013
Source: Bombo Radyo

BACOLOD CITY – Patay ang isa ka pulis kag ang police asset sa nagluntad nga pagpangluthang kagab-i sa Escalante City, Negros Occidental.

Ginkilala ang mga biktima nga amo sanday PO1 Vengine Tanguan, sang 2nd company sang Regional Public Safety Battalion kag si Joseph Lutrago, anay miembro sang Cafgu.

Ayon kay Escalante City Chief of Police, Supt. Jefferson Descallar sakay sa motorsiklo ang mga biktima sang sila ang ginluthang sang mga armado nga grupo.

Nakabalos pa sang luthang si PO1 Tanguan apang ini ang na-igo sa ulo rason sang iya gilayon nga kamatayon.

Ginapahayag nga ang police asset nga si Lutrago amo ang target sang mga suspetsado nga ginapatihan katapo sang rebelde nga New People’s Army (NPA).

Politika ang isa sa mga anggulo nga ginatan-aw sa insidente bangod si Lutrago ang political leader sang isa ka politiko sa nasambit nga ciudad.

Nahibaluan nga ang Escalante City ang kalakip sa election watchlist areas (EWA’s) sa Negros Occidental sa Mayo 13, 2013 nga election.