Injured	Killed
1	0

Date: 31 July 2013
Source: Bombo Radyo

LEGAZPI CITY – Haros madismayo sa kulog gikan sa sinapar na makusog na suntok an sarung pulis gikan sa sarung abogado sa Sorsogon.

 

An biktima an binistong si PO1 Klem-ar Reniva kan Barangay Macabog, asin naka-assign sa CPAC 3, Sorsogon City Police Station.

 

Sa report, 1:15 nin maumagahon kan magresponde an biktima kasabay kan iba pang kaibang pulis sa nagrarambolang mga kajovenisan.

 

Digdi naarestar an sarung Dennis Talusig Furiscal.

 

Mantang pabalik na sa hepatura an tropa ni Klem-ar kaiba an naarestong sibilyan, inolang ini kan suspek na si Atty. Adrian Alegre asin nakiolay na palibrehon an naarestar kaini na soboot saiyang amigo.

 

Alagad dai nagtugot an mga pulis asin dinara sa hepatura si Talusig.

 

Asin pag-abot sa istasyon, mayong duwa-duwa na sinuntok kan abogado si PO1 Klem-ar rason ngani na ini an haros mawara nin malay.

 

Tulos man na nagdulag an suspek mantang isinugod man sa ospital an biktima.