Injured	Killed
0	2

Date: 02 April 2013
Source: http://www.remate.ph/2013/04/pulis-at-dating-political-leader-ng-ex-mayor-dedo-sa-riding-in-tandem/

 

NAMATAY ang  isang pulis at dating lider ng dating alkade makaraang pagbabarilin ng riding in tandem kagabi sa Balintawak, Escalante City, Negros Occidental.

Ang biktimang si Joseph Lutrago ay binaril pasado alas-6 kagabi sa terminal ng barangay Balintawak, Escalante City, Negros Occidental.

Patay din si PO1 Dodong Tangguan, intelligence officer ng 6th Regional Mobile Group.

Ayon sa imbestigasyon ng Escalante PNP, huminto sa gasolinahan ang mga biktima upang magpa-gas ng lumapit sa kanila ang mga hindi kilalang suspek at kaagad nitong pinagbabaril sina Lutrago at Tangguan.

Nagawa pang mag-return fire ng mga biktima at may nakakita na may tinamaan din sa dalawang suspek na kaagad nakalayo sa crime scene.

Sinabi naman ni Negros Occidental Police Provincial Office Provincial Director S/Supt. Celestino Guara na may natanggap itong impormasyon na posible nga na mga miyembro ng New Peoples Army  (NPA) ang may kagagawan sa pagpaslang sa mga biktima.

Si Lutrago ay dating political leader ni dating Escalante Mayor Maymay Barcelona at  muli itong tumatakbo sa ngayon bilang alkalde laban sa incumbent mayor na si Biboy Yap, tiyuhin ng basketbolistang si James Yap.

Ayon kay Barcelona, iniimbestigahan pa sa ngayon kung ang naturang krimen ay may kinalaman sa pulitika dahil noong nakaraan ay binaril din ng pinaniniwalaang miyembro ng NPA ang kapatid ni Lutrago.

Sa ngayon ay nagpapatuloy ang hot pursuit operations ng mga pulis laban sa mga suspek.