Injured	Killed
0	0

Date: 27 January 2013
Source: By dzmm.com.ph | 09:25 AM 01/27/2013

http://dzmm.abs-cbnnews.com/news/Metro/Pulis%2C_arestado_matapos_manutok_ng_baril_sa_Maynila.html

Inaresto ng Manila Police ang isang kabaro matapos umanong manutok ng baril sa kanto ng Rizal Avenue at Teodoro street sa Tondo, Maynila.

Kinilala ng Manila Police ang suspek na si PO2 Reggie Mirando, na naka-destino sa Valenzuela City Police.

Batay sa inisyal na ulat, tinutukan ng baril ni Mirando ang isang gasoline boy dahil nagkamali ang huli sa paglalagay ng krudo sa sasakyan ng pulis.

Sa halip na regular gasoline ay diesel umano ang naikarga ng gasoline boy at dito nagalit at nanutok ng baril si Mirando.

Nakuhanan pa ng CCTV ng gasoline station ang pangyayari.

Agad namang naaresto ng mga nagpapatrulyang pulis ang suspek.

Nahaharap sa kasong paglabag sa election gun ban at grave threats ang pulis. Report from Dennis Datu, Radyo Patrol 42